Gjenferd i postkassa…

Idag kom endeleg den nye boka til Jo Nesbø i posten!!

Gler meg heilt vanvittig masse til å lesa den, men eg har bestemt meg for å pakka den fint ned i sykehusbagen. Ikkje veit eg kor mykje tid eg kjem til å måtta slå ihel der når snuppa bestemmer seg for å koma ut, så eg tenkjer det kan vera greit å ta med ei god bok. For er det ein ting eg er sikker på, så er det at boka er god!!. Eg har lese alle bøkene Jo Nesbø har skrive om Harry Hole, og alle bøkene har vore heilt fantastiske.

Håpar eg ikkje må venta ein heil månad før eg får lesa den…

Mac’n cheese carbonara med skru…

That’s what’s for dinner today!!

Du treng:

spaghetti

bacon

eggeplommer

fløyte

persille

ost

pepper

salt

pepper

 

Ein real man-tager-hva-man-haver middag/kvelds i ein fei!

Oppskrifta er enkel

1: Kok spaghetti, eg brukte fullkornsspaghetti og det smakte like godt som vanleg spaghetti

2: Steik bacon i små terningar til dei har den rette sprøhetsgraden, eg likar dei forholdsvis godt kremerte, medan andre berre vil at grisen skal spasera gjennom kjøkkenet

3: Rasp litt ost. Det er her Mac’n cheese kjem inn i biletet. Det skal jo vera parmesan i carbonara, men sidan Norvegia er den mest eksotiske osten me har i hus, så vert det nettopp det som hamnar i gryta

4: Gå ut i hagen og plukk litt persille, vask den godt, og finhakk den. Det er persillen som utgjer skruen i retten :)

5: Bland så saman 2 eggeplommer, persille og ca 1dl fløyte. Dette gjorde eg litt på slump, det er berre å lage så mykje ein vil utifrå om ein likar mykje eller lite saus. Smak til med salt, pepper, og kvitlaukspulver.

Sil spaghettien og ha den tilbake i panna. Rør inn osten til den smeltar. Slå eggeblandinga over spaghettien og rør godt. No er det ikkje meininga at plata skal stå på, for det er ikkje eggerøre med spaghetti me er ute etter. Tøm over baconet og server :)

Har aldri laga carbonara før, men eg må seie meg særs nøgd med resultatet. Skal faktisk vurdera å kjøpe inn litt parmesan til nestegang.

Himmel i bolleform!!

Idag har eg laga nokre bollar som eg trur må vera himmelen i bolleform!!! Inspirasjon til desse har eg henta her, på bloggen alltidsulten.com

Eg brukte min egen deig, som i bunn og grunn er ganske lik den deigen som vert brukt i oppskrifta på alltidsulten.com. Åse og Anne-Linn kom innom ein tur før dei skulle på avslutning for 10.klassen på Lindås, så då vart deigen gløymd ei aldri så lita stund. Då vart den sjåande slik ut!! Eg gløymde og å ta bilete av Anne-Linn på hennar siste dag som 10.klassing, men de får ta meg på ordet når eg seier at både mor og dotter var kjempefine, pønta og klare for fest!!

Tilbake til bollane, så kutta eg ut nonstop etter sterke oppfordringar frå Frode, og hadde smelta dronningsjokolade og hakka kvit sjokolade i snurrane istaden.

Og ja! Dei smakte like godt som dei ser ut… Namme nam!!!

I formiddag var eg ein liten tur hjå min gode ven i nøden, kiropraktoren. Og han knakk opp min vonde rygg på null komma svisj. Er alltid like kjekt å ta turen innom der når ryggen slår seg vrang. Men eg må vel seie at Eli tok ein stor del av jobben med å fikse ryggen min, for det var Søndagen eg verkeleg var invalid. Då stilte Eli støttande opp på kort varsel ein tidleg søndags morgon, og masserte den stakkars nakken og ryggen min. Eg fekk streng beskjed hjå fysioterapauten om at eg måtte slutta med å trena på å fly, for all vingemusklaturen min var heilt knytt. Antakeleg er det noko eg driv med i søvne…

Har forresten endeleg fått summa meg til å sy gardiner til TV-stova. Har hatt dei liggjande i ikkje mindre enn eit halvt år!!

Det er i allefall heilt sikkert at det ikkje er lett å leggje opp gardiner, eller sy generelt, i så super tynt stoff som desse gardinene er laga av. Redninga vart rullefald, ikkje heilt likt som frå butikken, men det vart ganske bra. Så dess meir eg bruker overlock maskina mi, dess meir nøgd vert eg med avgjerda om å kjøpa to litt rimelegar maskiner enn ei dyr, vanleg symaskin.

Var ein tur innom stoff og stil idag og plukka som vanleg med meg både det eine og det andre, så no får eg tråla internettet etter gode idéar til noko gøy eg kan sy :)

MeiTai til Snuppa

Laurdag sydde eg MeiTai til snuppa!

Den sydde eg i same stoffet som stelleveska, og selane og innsida i lyserosa. Synest ikkje den vart så aller verst, og planen er å ta den ibruk tidleg slik at snuppa vert vand med å bli boren rundt i ein slik sele. Fordelen med ein MeiTai framfor andre “moderne” selar, t.d BabyBjörn, er at i MeiTaien kjem ungen mykje nærare kroppen, og ein får dermed ikkje like stor endring i tyngdepunktet når ein skal bera. Ein kan bera ungen både på magen og på ryggen, men når det berre er ein liten baby som skal sitje oppi er det på magen i froskepositur som er måten å bera på.

Biletet er lånt frå forumet tettinntil, her finn ein og instruksjonar til korleis ein kan knyte MeiTaien på ulike måtar, til dømes slik som på biletet.

Eg gler meg til å prøva den!

Heimalaga vekeplan

Eg dumpa over denne stilige vekeplanleggjaren på ein eller anna blogg for ei tid tilbake, og fekk såklart kjempelyst på den.. Heilt til eg oppdaga at den var tilsalgs for den nette sum av 2600,- for den minste utgaven på 50x50cm. Synest det var litt i overkant mykje å bruke på ei tavle, så no har eg laga meg min eigen versjon. Såklart ikkje like fancy som den ein får kjøpt på ukeplan.no, men den gjer nytten :)

Eg tok rettogslett ei stor bilderamme, kjøpte eit stort, kvitt plakatark, printa ut nokre bilete, vekedagane, samt Husk! og Handleliste. Dette tapa eg på plakaten med dobbeltsidig tape, og satte plakaten inn i rama. Voila!! Enkel og billeg vekeplan som kan skrivast på med whiteboard tusj.

Salat i hagen og ailiens i frysen…

Endeleg har det vore eit lite snev av godvèr, og det syns i åkeren i allefall.

 

Både potetene og ikkje minst salaten hr tatt heilt av dei siste dagane, så no er det ikkje lenge før me må setja opp skilt i innkjørsla om salat til salgs. Tilveksten er ein god del større enn me kan klara å fortæra, så noko lurt må me finna på.

I går kveld tok me oss ein liten rusletur bort i nabolaget, på jakt etter mannen som det ryktast sel sjøkreps. Me traff blink på første forsøk, og gjekk forventningsfulle heim med ein stor pose med “ailiens”

Dei ser ikkje verre ut enn at dei kunne vore frå ein anna planet, men så lenge eg snudde hovudet deira vekk, slik at dei ikkje stirra så intenst på meg medan eg åt, så var dei altså riktig velsmakande! No var det berre ein smaksprøve me hadde til kvelds, for krepsen skal tinast langsamt i kjøleskap for at den skal bli best mogleg. Men me hadde jo knapt sett ein kreps før, og langt mindre smakt på dei, så då vart freistinga for stor til at me kunne leggja alle på plass i fryseboksen.

Dei vart altså ete på same måte som reker, med majones, sitron, brød og salat. :)

Idag har me endeleg fått pussa ferdig vogga, så no er den beisa og kome på plass i stova.

 

Etter mi meining vart ikkje resultatet vart så aller verst, og eg synest igrunn at den passa fint inn ilag med dei andre grå tinga i stova. Får satsa på at ikkje Tiger er like nøgd med den som eg er :)

Stjernelunch og middag i det fri!

Idag har vore ein roleg dag her i huset, utan dei heilt store sprella… Heilt til klokka var 11 i allefall. Det var omtrent då me fann det for godt å stå opp, berre for å oppdaga at brød var ramla av handlelista. Då var det berre å ta eit djupdykk i arkivet å fiska opp nokre rundstykker me kunne ha til frukost. Og sidan det er pinse, og butikkane er like stengde i morgon som dei var idag, var det berre å hiva seg rundt å setja ein deig. Eller to :)

  

Resultatet av det vart kjempegode “stjernestykker” som me åt til lunch, og havrebrød som me ikkje har fått smakt på endå. Dei får nok venta til frukosten i morgon, men dei lukta godt då dei kom ut av omnen, og dei ser slettes ikkje verst ut heller, så eg satsar på at dei smakar godt og.

Oppskrift på stjernestykkene er henta frå boka Elsker Deig av Marit Røttingsnes Westlie. Den har oppskrifter på massevis av kjempegode brød og rundstykker, og til no har alt eg har laga med oppskrift frå denne boka levd opp til forventninga.

Havrebrødet er henta frå boka Brød som er ei samling av oppskrifter frå Åpent bakeri, som er eit lite bakeri i Oslo, som visstnok skal ha dei beste bakervarene ein kan få tak i i hovudstaden. Dei driv med “gamaldags” baking, og gjev gode råd for korleis ein skal lykkast med brødbaksten heime.

Begge desse bøkene kan eg anbefala på det sterkaste!

Etter baksten var ferdig fekk me med oss våre gode naboar, Elin, Odd Halvor, Marit og Ingvild, ut på ein liten holmetur i det fine veret. Sola glimta til med sit blide åsyn opptil fleire gonger iløpet av kvelden, så me hadde det riktig så triveleg.

 

Me grilla pølser på bål i heimalaga pølsebrød, åt skillingsbollar og drakk kaffi og te. Det einaste som manglar no er at temperaturen stig opp til eit skapeleg sommarnivå, slik at me kan få mange fine dagar og kveldar i dei mange fine vikane her på Vabø, og at me tilogmed kan få tatt oss eit bad i sjøen i år!

Like etter me kom heim fekk me ein kveldsvisitt av Onkel John og Tante Edit, som hadde med seg orienteringskart over området her. Eg har vore og spurt etter det, slik at eg lettare skal kunna finna vegen gjennom skogen til Holmås. For med den retningssansen eg er utstyrt med, kan det vera greit å ha eit lite kart i bakhand, ellers er det ikkje godt å seie kvar eg endar opp! Litt usikker på kortid det vert lagd ut på ein slik skogstur, men eg får satsa på at eg får det til i løpet av sommaren. I allefall før snøen kjem ;)

No er det snart leggetid her i huset, god natt!

New energy!!

Endeleg er formen betre, så etter ei god natts søvn har energinivået verkeleg tatt seg opp. Idag har vaskemaskina gått i ett, så no nærmar det seg botnen på haugen som har hopa seg opp medan eg har vore sjuk.
Frode har ikkje vore i noko strøk idag, så eg har hatt god tid til å kosa meg på syrommet, og eg har faktisk fått sydd, ikkje mindre enn, to ting!

Det første eg fekk gjort idag, var å sy nytt trekk til ammeputa eg fekk hjå Torhild. Den gjekk frå Ole Brum til  rosa blomar på eit blunk.
Det er og første gongen eg har sydd i eit glidelås utan steg-for-steg instruksjonar på PC'en, så eg må seia meg ganske nøgd med resultatet :)
 
 

Etter lunch, som bestod av appelsinpannekaker med heimasnekra blåbærsyltetøy, sydde eg ein rosa sengekant til den fine, runde senga til Snuppa. Ville ha den einsfarga slik at det ikkje vart så vanskeleg med mønster- og fargekrasj når ein skal kjøpa sengetøy. Synest det er lite utvalg i utgangspunktet, så det er best å ikkje produsera fleire begrensingar.

Appelsinpannekaker er forresten ein kjempegod vri på pannekaker, som i og for seg er himla godt i utgangspunktet, og det er så lett å laga! Eg berre tilset skalet og safta av ei appelsin, og ein ekstra dasj med appelsinjuice. Ellers er røra heilt lik som vanlige pannekaker :)

Til ein forandring så hadde me hugsa å ta opp fisk, slik at idag vart det heimalaga fiskepinnar til middag. Det er så utruleg mykje betre enn kjøpe-pinnar, og det tek ikkje allverdens mykje lenger tid å laga det heller.

Idag var det ein liten lyr som hadde funne vegen ut av fryseboksen, og den vart skjert i passe fiskepinne-bitar. Paneringa lagar eg av grovbrød som eg kjører i foodprofessoren, og idag hadde eg oppi litt heimadyrka persille, graslauk og litt raspa ost.

Så er det berre å kjøra på som vanleg, venda fiskepinnane i mjøl med salt og pepper, dyppa dei i egg, for så å pakka dei inn i den gode paneringen. Steik dei kjapt på steikepanna, og server dei med t.d poteter grønnsaker og holandaise saus.

Her er fiskepinnane klare til steiking,  



      



                             
og her er dei ferdig steikte, ilag med dagens tilbehør.
Det var verkeleg kjempe godt!







No er det om å finna på noko gøy å gjera medan Brann spelar kamp. Ikkje akkurat det eg bryr meg mest om, så eg trekjer meg heller vekk frå TV’n. Kanskje finn eg noko meir eg kan sy. Det manglar iallefall ikkje på kreative folk ute i den store bloggarverda, så eg får leita litt der :)
God pinsehelg!

Grillfest og nattestrikk…

Denne helga har me vore på Osterøy for å feira 91+2års dag. Hamre Bestå vart 91år og Ole Martin vart 2 år på Søndag den 5.Juni. Begge dagane vart feira ilag, med grillfest på terassen hjå Gunn og Trond på Hamre. Det var mange gjestar og super stemning i det fantastisk fine véret som tilfeldigvis dukka opp ut av ingenting. Heilt utruleg med tanke på sipe-veret som har vore, i dagane både før og etter besøket.

                                                                                                                                                                                                                 

  

Som bileta viser, var det ein heilt fantastisk dag. Flagget var heist til tops for jubilantane, kakebordet var fantastisk, og “ungane” koste seg i sandkassen.

Dagen etter var me heilt utslitte etter ein overdose sol, så dagen gjekk stort sett med på sofaen for å pleia flonso. Det hjalp no litt, så utpå dagen vart det rørt i saman ei “stakkars meg” sjokoladekake, og sidan me hadde sove så mykje på dagen vart det ein sein grillmiddag i gråvéret.

     

  

Frode var som vanleg grillkongen, og denne gongen var det scampi og grønnsaker på spyd, maiskolbe, grilla tomat og potetsalat som stod på menyen. Me hadde på terassevarmaren til mamma, så sjølv om det berre var 12-13 grader var det godt og varmt der me sat. Då me var ferdige å eta, vart naboar på sneglejakt tiltrekt av det romantiske, rosa lyset som terassevarmaren avga, så Elin og Marit kom og drakk ein kopp te med oss. Kjempekoseleg å kunne sitte ute om kvelden å berre prata og nyta livet :)

Dei siste dagane har eg vorte ferdig med to strikkeprosjekt. 

Kjøreposen som eg har holdt på med ei stund er no ferdig, men eg er litt usikker på om eg kanskje må strikke hetta ein gong til. Eg oppfatta ikkje før eg var ferdig med den at eg hadde gjort litt feil, så det er mogleg at halsopninga er litt trong. Eg må nok finne meg ei dokke å prøve den på, og så får eg heller ta den oppigjen om den ikkje passar.

 

Denne hua har fått namnet “natthua” sidan den vart laga ei søvnlaus natt på sofaen på Dale. Ikkje heilt sessong for huer, men eg måtte ha noko enkelt å strikka slik at eg fekk timane til å gå.

No har eg bestemt meg for at i morgon er siste dagen eg orkar å vera sjuk. No er eg så lei av hosting og snufsing at eg rett og slett seier meg ferdig i morgon…..

Så var det på’an igjen…

Jammen meg var det ikkje min tur til å bli sjuk… Igjen!! Eg var igrunn ikkje heilt ferdig med hostinga etter sist runde, og så har eg fått akkurat det same ein gong til. Får satsa på at denne bya ikkje sit like godt i som sist.
Dei siste dagane har då gått med til hosteanfall og masse te med honning. Og eg gløymde nesten isbitar!! Eg hadde nok ikkje overlevd uten den fantastiske isbitmaskina i kjøleskapet. Det ser ut til at konstant knasking på isbitar er det einaste som hjelper når termostaten vrir seg mot overoppheta, og hostekulene set inn for fult…
Men litt anna har eg då fått gjort, i dei litt betre periodane midt på dagen :)
På Tirsdag passa me Viktoria medan mor og far var på jobb, og eg kan ikkje seie at me merka mykje til det. Ho kom klokka halv 9, åt frukost med oss, og la seg velvillig til å sova då klokka vart kvart over 10. Ho låg og sov, som den prinsessa ho er, heilt til klokka var passert halv 1. Ho var nok utslitt etter all leikinga med onkel Frode!



Om ettermiddagen laga me skillingsbollar, eller “sjethusvegga” som det heiter her i huset. Frode er den ubestridte kanelansvarlege, og tok på seg den viktige oppgåva med å syta for at alle svingane hadde tilstrekkeleg med kanel!





Bollane så gode ut, smakte godt, og den kanelansvarlege va godt nøgd med eigen innsats.
Eg må igrunn ta Frode på ordet for at bollane smakte godt, for akkurat denne dagen hadde eg absolutt ingen lukte- eller smakssans.




         
Om kvelden fekk Ingvild vera med Frode på ein tur med den nye motorsykkelen, og etter smila å døme trur eg nok dei synest det var ganske kjekt begge to












Onsdag var ein heller slapp dag, der Findus stod for mesteparten av matlaginga, Frode måtte handla, og eg for det meste satt på ein stol, og klarte etter langt om lenge å produsere dette eine kortet. Det bugnar ikkje akkurat av gode idéar og skaparevne, men det var no kjekt å ha tid til å pusla litt med papir, for det er ei stund sidan sist no.








Idag var formen litt betre på morgonen, så eg satte likegodt igang med å laga ein liten deig som vart til horn med ost og skinke inni, pluss nokre rundstykker utforma på ein måte som Frode kan hugsa at han fekk då han var liten. Dei vart ikkje så verst dei heller, vis ein ser vekk ifrå at ein del av dei “velta” litt under hevinga. No er eg i allefall igong med å fylla fryseboksen slik at eg har noko å by på om det skulle koma ein og annan besøkande innom.
 




Til middag vart det raspekaker,








og til kaffi fekk me besøk av Åse, Pappa, Elias og Ingelina. Dei hadde med seg fine klutar som mamma har kjøpt til snuppa, og me koste oss med sjethusveggar, is, kjeks, kaffi og te.






Mamma var ikkje med, for ho fann ut igår kveld at ho ville reisa østover i bursdagsbesøk til Mathias som vert 1år idag.

Vil tru at Torhild og Trond vert overraska når Tante Jenny må reisa frå besøket (for å henta mamma, sidan ho er den einaste som veit om at ho kjem) for så  å koma  tilbake like etterpå. Dei vert nok litt forfjamsa før det går opp for dei kva som går føre seg :)

No nærmar det seg leggetid, og imorgon er ein ny dag med nye moglegheiter. Kanskje er formen betre? kanskje er himmelen blå? eg kryssar vertfall fingrane for begge deler!