Då er eg komen heim frå London, og eg må seie at det har vore ein fantastisk tur, med gode kollegaer, mykje god mat, og milevis med trakking frå butikk til butikk. Me har vore innom Natural History Museum og sett på masse dinosaur skjelett, diverse jordklode aktivitetar, og som seg hør og bør i reisende stund, litt om vulkanar. Om kvelden etter museet var me på hard Rock Cafe og åt ein sein middag. Det er mange som vil innom der, så me måtte vente i ca 1,5 time på at dei skulle klara å finna bord til 18 personar. Men det gjekk fint, og maten var kjempe god!
Dag to vart nytta heilt og fult til shopping. Me var ein gjeng som reiste til eit heilt fantastisk kjøpesenter som heiter Westfield London. Eg vart heilt imponert over størrelsen på senteret, og kor fint og ordentleg alt var. Det var super service i alle butikkar. Eg var der i ca 6 timar, og eg er sikker på at eg ikkje var innom halvparten av butikkane eingong. Så det hadde nok gjort seg med ein dag eller to til der. Men neste gong eg skal til London trur eg at turen må gå til Westfield Stratford City. Det er eit heilt nytt, og endå større senter, som skal stå ferdig iløpet av året, og det vert bygd i samanheng med Olympic Park som skal huse OL i 2012.
Denne kvelden var me på ein kjempe fin kinarestaurant, Royal China, som eg gledar meg til å besøke igjen. Her fekk eg blant anna nokre kjempegode chilli-scampi, crispy duck og masse anna godt.. mmmm!!
Me var litt bekymra for at me måtte reisa heim ein dag fortidleg, men vulkanen på Island roa seg heldigvis ned, slik at me fekk med oss den siste dagen av turen og. Den vart brukt til ein liten tur innom Oxford Street, før me reiste til flyplassen. Alle saman kom seg med flyet heim, og bilen var noko tyngre lasta på returen enn den var på vei til Flesland. Men me fekk utruleg nok plass til alt, og kom oss trygt heim.
Eg har Desverre har eg ikkje nokre bilete frå turen no, sidan eg ikkje fin ledningen til reise-kameraet mitt, men eg har då klart å ta litt bilete av resultatet av shoppinga!
Det vart tilslutt to par svarte sandalar, eit par Nike joggesko, funkye truser til både meg og Frode, pysjamas shorts til meg, bag og lommebok, litt klede til snuppa, ein kjole og ein king-size bikini som eg satsar på at vil passe så snart snuppa kjem ut og set i sving meieria ;)
Me var seine heimatt på onsdag, så eg sov nok ikkje før klokka var halv 3 og det var såvidt eg klarte å karra meg opp i tide til timen hjå jordmora klokka 10 igår. Ho sa at alt var i orden, så no er det berre å smørja seg med tålmodighet. På onsdag har det gått 32 veker, og då er lungene til snuppa heilt ferdig utvikla, noko som betyr at viss ho kjem ut etter det, vil ho kunna pusta heilt på eigahand, uten kuvøse. Det er greit å vita, men me satsar på at ho held seg inne nokre veker lenger enn det.
Idag har eg vore på jobb sidan tidleg tidleg tidleg(06.30) til 18.30. Men no er det berre to slike skift att før me tar til på sommarskiftplanen, så då skal eg ha to veker fri og Frode skal ha 3 veker fri. Satsar alt på fint vér!
No er det straks leggetid for meg, god helg!!
Idag trudde eg ikkje det var sant då det kom på nyhetene at nok ein vulkan hadde funne det for godt å spy ut ein sopp av oske ganske samtidig som eg skal ut å fly. I fjor var det turen til Danmark som vart utsatt, og i morgon skal eg reisa til London!! Vert det utsatt denne gongen kan nok ikkje eg vera med, så eg kryssar tér og fingrar for at vinden bles oska vekk frå dei britiske øyer… Kan jo begynne å lure på om me er lagt for hat av Island…
Idag har eg ikkjespesielt mykje å skriva om, for her har det regna i bøtter og spann, men i eit augneblink av opplett var Frode ute og vaska bilen. Då oppdaga han forsyne meg at Tiger, som alle ler av på grunn av hass rolege vesen, hadde fanga ein fugl og leika i ekte villkatt stil.
Eg er ikkje spesielt begeistra for slike morderiske aktivitetar, men Tiger var svært stolt over fangsten sin, og leika lenge med den stakkars raudstrupen. Han hadde seg ein liten tur i barndomen! Etterpå har han lagt på sofaen og kvilt ut etter den voldsome påkjenninga.
No har eg endeleg, etter timesvis med pakkevegring, fått pakka i koffarten. Satsar på at alt er med, eg har i allefall hugsa både pass, kredittkort og billettar, så då skulle eg eventuelt kunne skaffa meg det eg har gløymt. Har høyrd rykter om at det fins eit par butikkar der borte i London ;)
No skal eg berre leggja beina høgt, og samla krefter til tre fantastiske dagar på tur!!
Her er det ferdige resultatet, og eg må sei meg nøgd! Den har snøring i toppen, to lommer inni, og ei glidelåslomme på baksida. Den har og ei lita lomme på kvar av sidene.
Her står salaten til groing, og skal få koma bort i den store kassen over helga. Årsaka til at me plantar i kassar er at vår "gode ven" brunsneglen er lettare å oppdaga på veg opp i ein kasse en kva den er i åkeren. Brunsneglen trivs godt her på Vabø den og, og tidlegare erfaring viser at den i tillegg er glad i salat.Me held og på med ein liten åker der me skal planta poteter, meir gulrøtter og kanskje litt reddik og sukkererter?
Den er ikkje heilt klar til planting endå, men ting tar litt tid! Spesielt no når mannen min har vore sjuk i 2veker (heldigvis på betringens veg), og no har eg vore sjuk i 5 dagar, og det har foreløpig ikkje vorte betre... Heller verre :( Så eg har igrunn ikkje tatt del i dei store aktivitetane ute i hagen, men eg har henta drikke og komt med muntre tilrop ;)
Eg må seie at eg gler meg til å kunne gå rett utanfor huset etter salat til all den gode grillmaten me skal lag i sommar. Eg er optimistisk, og satsar på at desse vekene me har hatt med "ein smak av sommar" berre er starten på det me har i vente..
Me får sjå til hausten att om optimisme og positive tankar har ført med seg ein fantastisk sommar!!
