Ein liten hjelpar :)

Det ser ut til at Line er svært interessert i å hjelpa til med alt me foretek oss!

Då me var på Dale sist Søndag og lagde blomebed, var ho ute og raka i grusen og kosa seg i lang tid. Berre avbrote av ein formiddagslur, var ho med oss heile tida...

Då me la om til sommardekk ville ho helst gjera det sjølv! Ho kom krypande som eit prosjektil for å vera med på alt. Jekke opp bilen, løyse dekka, ete hjulmutrar... Ja, you name it!!

Ho er slettes ikkje verst inne i huset heller. Om ho høyrer at oppvaskemaskina vert opna, er ho straks på pletten og vil hjelpe til med å rydde i den. Ho klirrar med tallerknar, bankar med skjeier og sutlar i vatn...

Ellers føl ho etter mer rundt i huset, og på vaskerommet må ho alltid sjekka om eg har tatt ut alt og at maskina er tom!!

Eg håpar denne interessa for deltaking i huslege oppgåver ikkje svinn henn ;)

Boktralle gjev lindring for såre ryggar :)

No har me gått til innkjøp av ei gåvogn til Line, slik at ryggane våre kan få litt avlasting.
Ho får ikkje heil til å gå med den heilt på eigahand endå, men ho kryp oppi den og i mellom handtaket og tar bøkene sine oppi og utav lastekarmen :)
Der sit ho midt på golvet og les høgt og blar om som om ho kunne det ;) ser lovande ut for mine planar om bibliotekdag i framtida!

Håpar ho vert like glad i bøker som eg er....

Månetomater og solskinnsdag

Idag har Bestå vore på besøk hjå oss, og ho har leika og gått på tur med Line. Det må ha vore ein særs behageleg og søvndyssande tur, for Line sov i nesten 3 timar :)

Eg lagde brød av deigen eg laga i går kveld, og om eg skal seie det sjølv, så vert dei berre betre og betre for kvar gong eg lagar dei. Eit godt eksempel på at øving gjer meister!
Eg laga og "Månetørka cherrytomater" frå boka " Nigella express". Det er altså cherrytomater som er delt i to, dryssa på litt salt, bittelitt sukker, litt timian, og så litt olivenolje. Desse tomatane set ein inn i ein omn som er forvarma til 250 grader, og når ein set inn tomatane sløkkjer ein omnen, og let dei stå der natta over ( medan månen er oppe ) utan å åpne døra. Kjempegode vart dei, og eg er ikkje ein gong spesielt begeistra for tomat ;)

No har Frode vore ute og saga ned litt busker og tre ilag med nokre naboar, så no er det velkomen utsikt!

No har forresten Line oppdaga vinduskarmane, så det vert nok ikkje mange minuttane på baken i tida framover. Ho vil helst gå heile tida, så me går krokbøyde med vonde ryggar begge to...

Det er kjempe morosamt å sjå kor gullet vårt utviklar seg frå dag til dag :)

Shopping med Beppa!

Tidleg Onsdags morgon reiste me å henta Beppa, og kjørte ho til byn. Då ho var ferdig med det ho skulle var klokka berre kvart over 9, så me hadde dagen for oss!

Me åt frokost på Egon, og reiste vidare til Åsane, der me kjøpte sykkelsete og hjelm til Line, og gjekk å snoka i butikkane før me avslutta på Fretex. Det var utruleg mykje folk der, og ein del fine ting og. Eg kjøpte ei stor korg, og nokre små leikar til Line. Dei hadde nokre barnemøblar der som var heilt fantastiske! Det var benk og to stolar med oppbevaring under lokket, og eit bord med "lokk" i som ein kunne ha fargeblyantar eller perler og liknande i. Det passa perfekt til Line, men det var alt for dyrt på ein vanleg onsdag! ;) utruleg flinke dei som har laga det i alle fall!

No er det berre å venta til vêret er med oss, slik at me får prøvd sykkelsetet! Gleder meg!!

På tur!!

Kan ikkje seie at det har vore enorm påskestemning her i huset, for den eine dagen er nokså lik den andre. Dessutan vart 1 av 2 påskepyntar knust ifjor, så den gule fargen fekk ikkje overtaket i år heller.

Men me var på påskebesøk på øynæ, og me var på påskebesøk på hytta :)

Me kom bort til Dale Tysdag ettermiddag. Då hadde me vore i Arna og kjøpt sko til Line!! Tenk at ho har fått sine første sko!! Ole Martin, Gunn og Trond kom og til Dale, så Ole Martin leika med Line, og eg syntes han var ganske tolmodig med den vesle kusina som berre ville ta flyet hans og slita han i håret!

Onsdagen var det nydeleg vêr, så me gjekk ein fin tur langs vegen medan Line sov i vogna. Då ho vakna tok me med oss litt brød og gjekk ned til "vill"-sauene og klappa dei :) Line vart nok litt forundra over dei innpåslitne krølltoppane. Ho hadde jo trass alt nett vakna!

Dagen etter vart Line sjuk med feber og tett nase, så då måtte me halda oss heime nokre dagar. Men søndag var ho i så god form at me henta mormor på jobb og reiste på hytta. Det var det ca 6 grader då me kom, så me fyrte på spreng. Det tok likevel ei god stund før me kunne ta ytterjakka av oss :)

Eli, Geir Ove og Viktoria kom bort på kvelden, og me åt kanongod svinesteik, store haugar med påskesnop og me spela pjatzy!!! Neste dag bestod i grunn berre av kos den og. Bortsett ifrå at Line ramla ved peisen og slo seg i nasa og munnen. Ho fekk ei ordentleg tjukkelippe! Stakkar liten :(

Då var påsken over for i år, så får me prøva å oppgradere med litt påskepynt til neste år!

8 månader!!

Herre min hatt så stor Line har blitt no!!

No er ho ikkje lenger ein av babyane på småbarnstreff. No fer ho rundt og tek leikar ut av kassane og no må eg verkeleg passa på ho, for ho har nokre særs sterke klyper, så stakkars dei hårlokkane eller bollekinna som rotar seg bort i dei!!

No leikar ho med manualar, ser på barne TV og søv rart!! Tidleg vaknar ho og :( No er ho klar for ein ny dag når klokka er seks, men det er ikkje me, så ho leikar i senga og me høyrer på musikk medan me held ho fast i foten slik at ho ikkje skal klatra ut på nattbordet. For det er det ho helst vil no! Ho skal plukke og kjenne og ikkje minst gnage på ALT! Ikkje rart med tanke på at ho til stadighet oppdagar ting ho ikkje har sett før. Slik er det vel når ein plutseleg kan forflytte seg på eigahand!

Det er så rart og så gøy å sjå Line forandre seg mykje frå dag til dag!

Tid for oppsummering!

Tida flyg ifrå oss, så det vert ikkje mykje tid til blogging. Spesielt ikkje no når laptopen har tatt kveld. Det er liksom så langt inn på kontoret til PCen som står der ;) Men det betyr ikkje at me ikkje gjer noko!

8.mars heiv me oss i bilen og sette kursen mot Hol! Det vil seie at me reiste etter at me hadde levert ein heller pjusk Tiger på Sletten. Tiger’n hadde fått ein diger byll på kinnet, så han fekk sprøyter hos dyrlegen, og ein hestekur med antibiotika med seg heim. I tillegg til den lekre kragen vel og merke! Men han såg ut til å takle det bra, og Baldrian (pusen på Sletten) var som vanleg ein smule pinglete, så han var nokså redd den merkelege skapningen som kom på besøk til han!

Dette var då Line sin første “roadtrip”, så det måtte jo forevigast såklart!

Ho var så snill som turen var lang, slik som ho alltid er! Ho sov store delar av vegen, så det vart ein sein kveld på ho. Været var ikkje mykje å skryte av. Det blåste ganske kraftig, og fjellovergangane var stengde, så det vart ikkje mykje utetid på oss. Men det gjorde ingenting, for me koste oss inne med gode vener og god mat, og Line hadde mange som ville leika med ho :)

 

Søndagen måtte me reisa heim, for då var det ein opning i uvéret på fjellet. Eg vert som vanleg veldig inspirert i matvegen når me er hos Gro Anita og Espen, så då måtte det bakast brød!

Det er utan tvil dei beste brøda eg har laga, så får me sjå neste gang om det var eit lykketreff eller om eg har knekt brødbakekoden :)

Ellers har me vore ute og fiska.

og gått på tur til nyenaboen!!

No sprett huset opp i ein fart, så det er spanande å sjå frå dag til dag kva dei har gjort :)

Fisk, fisk, fisk……

…..og meire fisk :) Men bilete av fangsten er det dårleg med.. Fiskaren er ikkje så flink å hugsa på fotoapparatet, så de lyt nok ta oss på ordet når det kjem til storleiken på fangsten ;)

Torsdag i forige veke kom mamma ned og passa Line medan eg fekk vera med å trekja garn. Det var faktisk første gongen eg har vore med sidan me flytta til Vabø. Det var kjempe kjekt, for me fekk ein del fisk, og ei stor raudspette :) Den kom opp med “magen” først, så det såg ut som det var noko kjempedigert som kom opp av havet!

Lita flyndre flat
Nedpå botnen sat
Spiste middagsmat
Av sitt vesle fat
Så kom Frode hen 
og han fiska den
No står berre fatet tomt igjen!

Då me kom inn att, laga eg og mamma masse fiskekaker av ein del av fangsten etter mandagen før. Fiskekakene vert best når fisken har fått stå å renna av nokre dagar. Me må nesten få seie at me har blitt riktig så flinke til å lage fiskekaker. Dei vart knallgode!!

 

Igår var me og ute og trekte garn, men då var fangsten heller dårleg, men det var flott vårstemning på sjøen.

Me satsar på like fint vér i morgon, og ein mykje større fangst :)

Mammutsalg!!

Hurra for mammutsalg :)

Heile fem nye kokebøker i hus, og det til ein brøkdel av prisen dei eigentleg kostar!!!

 

Eg synest det er kjempe gøy å sjå og lese i kokebøker, så no har eg litt arbeid ei tid framover. Det er jo såklart gøy å lage mat frå kokebøker og, men det vert som oftast laga noko utifrå det ein har i skap og skuffer, så då er det kjekt å ha litt inspirasjons-lektyre slik at det ikkje vert den same maten kvar gong :)

Heimelaga pasta og vårrullar er to ting som står høgt på lista over ting eg har lyst å prøve meg på.

Vår i lufta :D

Endeleg var det eit lite opphald i uvéret, slik at me kunne koma oss ut på ein liten tur i skogen!!

Me pakka Line i meisa, og tok med oss ei lita steikepanne, pannekakerøre, syltetøy og kakao og gjekk til ein fin liten bålplass i Vabømarka. Her er det tydeleg at det bur nokre ivrige skogs-brukarar, for fleire stader dukkar det plutseleg opp ein benk eller to, og kanskje ei lita grue.

 

Line har fått seg solbriller, og var såååå kul der ho sat på ryggen til Pappa.

Line koste seg med ei god bok medan Frode ordna eit flott pannekake-bål til oss.

Frode laga gode pannekaker til oss, og Bestå vart oppdatert på direkten om kor kjekt me hadde det.

  

Line fekk ikkje pannekaker, men ho var meir enn nøgd med ein litt knitrande pose og eit lite lokk ho kunne gnaga på.

Hadde vore alle tiders om me kunne fått mykje meir av slike flotte dagar i tida framover..

Ei lita kjøttmeis :)

Internettet er ein fin ting, for berre få dagar etter me bestilte bæremeis frå flust.no, kom den i posten. Den måtte såklart pakkast ut med ein gong, og Line syntes det var stor stas å sitje på ryggen.

Me måtte vente til søndag før me fekk prøva den ute i flott søndagssol. Eller det var i alle fall sol heilt fram til Line vakna og me kunne koma oss ut. Men det var slettes ikkje verst å koma seg ut ein liten tur ilag med Åse og Ingelina.

No må me legga oss i hardtrening, slik at me kjem oss opp til Klefjellhytta i sommar :)

Line 7 månader!!!

Tenk at vår aller finaste Line har blitt 7 månader. Tida flyg avgarde i turbofart, og det verkar ikkje som me får gjort noko i det heile, men Line derimot gjer noko nytt nesten kvar dag.

No når ho er 7månader kan ho sitje sjølv ei god stund, og ho har blitt så flink at no kan me snart gå på tur med bæremeis.

Ho kan sette seg opp på eiga hand i sofaen. Der er det litt lettare enn på golvet sidan det er så mjukt.

Line vert glad når det er masse gøy å leika med. Hjå Beppa er det masse ukjende leikar som må studerast nøye.

Line har fått to tenn, og synest det er heil i orden å pusse dei :)  Tannkrem smakar då så godt!

No har ho og begynt å “flirte” med fotografen ;)

Det er kjekt å sjå at ho får til meir og meir for kvar dag som går, det er iallefall sikkert at ho fer fortare og fortare over golvet kvar einaste dag. Ei lita mammajente har ho blitt og, så no kjem ho gjerne kravlande etter meg når eg fer rundt i huset. Jammen godt me ikkje har trapper!

Fastelaven!!!!

Gledeleg fastelaven alle saman!! Her i huset starta førebuinga av årets fastelavens"bollar" alt i går. Det var nemleg brioche som stod på menyen. Ein deig med masse egg og smør, heilt perfekt match med syltetøy og vaniljekrem!!

Åse, Eli og Viktoria kom ned til oss og åt middag, som var sjølvfanga fisk i fløytesaus, og fastelavensbrioche til dessert... Jammen var det godt altså!!

Line fann det og for godt å krype medan alle såg på.. Viktig med fult fokus frå alle når ho skal gjera nye triks :) Dessverre var det så kortvarig at me ikkje fekk tid til å forevige hendinga... Og det er ikkje berre krypinga som var nytt i dag.. Faktisk har ho og tissa på potte for første gang. Såg nesten ut som om ho forstod at det var stas, for ho gliste så fint før ho fylte potta.. #stolt mamma#

No er det strak ut på sofaen med ein kopp te og nyte resten av søndagen i ro og mak..

Tenner i sikte!!

De kan ikkje sjå da, men no har tennene komt ut!!! To små skarpe kantar som openbara seg Torsdag 16.Februar :)

Tirsdagstur til Beppa!!

Idag har me vore på besøk hos Beppa, noko me prøver å vera kvar Tysdag etter småbarnstreffet.

Idag var det, som det ofte er på Tysdagar, fisk på menyen. Tom synest det er eit perfekt middagsval, så han tuslar rundt og pratar, og prøver å opne skapet som inneheld Tomen sitt høgst personlege fiskefat :) Tilslutt er maten klar, og Tom gumlar i seg før han legg seg mett og glad i stolen sin og sovnar.......

Eg fekk og fisk altså!! Brosme med potet, gulrot og kvitsos. Mmmm!! Det er så godt med fisk :)

Line måtte og ha seg ein dupp, for det har ho ikkje tid til lenger når me er på småbarnstreff. No vil ho heller leika, eta og synga.. Og med Beppa vil ho dansa, le og sjå på alle fuglane ute i treet. Idag var det faktisk ein diger ørn som sirkla over huset, men han syns nok meisebollar var litt for mager kost, for han tok seg ikkje tid til å stansa på fuglebrettet ;)

Tirsdagen er utan tvil vekas høgdepunkt for oss