Full fart langs vegen!!!

No synest eg det er på sin plass med eit lite skryteinnlegg! Er ganske nøgd med eigen innsats på treningssida, og det eg har gjort er å gå/jogga til Sletten heile 3 gonger!!

Turen til Sletten er 5,27km og på første forsøk gjekk det 55min, på andre forsøk 45min, og på tredje forsøk gjekk det 40min! Ganske kjekt at det går fortare for kvar gong :)

Slik ser me ut når me kjem fram... Eg er bustete og rosa, og Line er trøtt i trynet etter ein god dupp. Omtrent når me er komt til Skauge kunne eg godt tenkt meg å bytta plass med ho. Ser deilig ut å ligga lunt og godt, og bli gynga i søvn i ei vogn ;)

Eg synest det er mykje kjekkare å gå frå ein stad til ein annan, enn å måtta snu og gå heimatt, difor er det perfekt å gå til Sletten, og så få Frode til å henta oss ;) Det hadde og vore kjekt  å gå til Eli, det er litt lenger, men det er eit godt stykke å gå langs hovudvegen, så det spørst om det vert noko av. Eg må eventuelt finna ut om det går an å gå med vogn på den Trondhjemske postveg. Den vegstubben som er her i området går ifrå Vågseidet til Hundvin, så det hadde vore fint om den var i nokonlunde god stand..

No er det berre om å halde motet oppe sjølv om vèret vert verre ;)

Førbursdag og Enjo-Party

Dagen idag har vore stille og roleg. Eg og Line har vore heime og vaska klede og besøkt tante Elin, medan Frode var hjå kiropraktoren. Eg stussa litt over at han var lenge vekke, men tenkte ikkje noko vidare over det.. Men jammen meg hadde han vore på tur og kjøpt bursdagspressang til meg!!

 

Eg fekk ei kjempefin Kari Traa ulltrøye, og ein stor, lilla North Face bag. Så no er eg og klar til å reisa på rypejakt! Trur nok at eg og Line kjem til å kosa oss på hytta med snop og strikketøy.

Igår måtte me trena litt og, og Line har blitt kjempeflink! ho held hovudet lenge oppe, og ser seg omkring. Kjempegøy!

Klokka 19:00 kom det gjestar på Enjo-Party, mamma, Eli, Åse og Tante Halldis hadde vore før, medan Veronika og Kari Anne frå jobben til Frode hadde aldri høyrd om Enjo før Frode reklamerte for det! Det var ein kjekk kveld med lappar og grønnsaker med dip (heimadyrka gulrøtter såklart ;D ) og Gjertrud Strømme som forhandlar Enjo er så livlig og entusiastisk. Så no gler me oss til Onsdag, for då kan me hente varene!!

Eg fekk forresten låne eit par vaskemagnetar for uttesting, og det er eg vel skeptisk til. Det er to magnetar som skal stå inne i vaskemaskina, som skal gjera jobben til vaskepulveret. Altså skal ein vaska klede utan bruk av vaskemiddel i det heiletatt. Eg kjenner fleire som bruker dei, og det må seiast at ingen av dei er verken skitne eller luktar vondt. Likevel er eg skeptisk til om det er forskjell på å vaska med berre vatn uten magnetar, og å vaska med magnetar… Skeptisk, men eg skal testa dei ut med eit ope sinn, så får me sjå om eg kan sleppa å handla inn meir vaskepulver….

Line 2 månader!

Tida flyg, og no er det alt 2 månader sidan Line kom til verda

..

Tenk at me har vore så heldige å få ei slik fin jente som søv godt om natta og som er glad og fornøgd berre ho får mat, kos og tørr bleie :D

No kan Line

-smila

-Halde hovudet oppe ganske lenge når ho ligg på magen

-leika litt med leikane på baby-gymmen

-drikke av flaske som om ho gjorde det kvar dag!!

-Sovne i eiga seng

Ho er gulljenta vår!!

Konkurranse - Pickles 2år!!

Pickles.no er ei av dei sidene eg er innom og ser på med jamne mellomrom, og eg synest det er så gøy å sjå noko nytt!! For det er nettopp det som er å finna hjå dei. Masse fine teknikkar, og eg set spesielt pris på at dei lagar videoar om korleis ein skal få dei til..

Eg har berre prøvd oppskrifter på babyklede. Det eg har strikka likar eg kjempe godt, og eg har fått masse skryt for det!!

Line er kjempefin i "En liten finkjole", og denne har eg faktisk strikka i to storleikar, sidan alle syntes at den i nyfødd såg så liten ut.. Men jammen passa den!!! No brukar ho den som er 3-6mnd. Sokkane passar endå, men hua vart fort forliten ;)

Ikkje alltid like kjekt å bli tatt bilete av, men etter litt mat var alt så mykje betre!

I "Snerten selekjole med turban" er Line til å ete opp!! Kjempe fint med daisy-strikk i trøya.

Her har Line fått over seg det kjempefine teppet ""Fullmånepledd til Liv". Utruleg fint, og det ser mykje meir avansert ut enn det faktisk er :D

Så langt er det dette eg har strikka i garn frå Pickles, men det kjem nok til å bli meir. Det gjeld berre å klara å bestemma seg for kva ein skal strikka og i kva farge.... Kanskje eg slepp å velge viss eg vinn konkurransen!

Eg kryssar fingrane og tedna!!

Haustdag i hagen!!! 16.Oktober

Endeleg kom det ein fin haustdag! Med god varme og knall sol ute, var det endeleg tid for å hauste inn årets avling.

Potene hadde pota seg, lauken hadde løka seg, og jammen hadde ikkje gulrøttene røta seg og :)

 

Dei fleste gulrøttene var beine og fine, med spesielt unntak av desse to. Dei passa perfekt saman!

Me fekk 52 sjarlottlaukar, og masse poter. Vil tru at me har eit årsforbruk av sistnemnde.

Linemor fekk sjølvsagt vera med ut, og ho låg i vogna og kosa seg i strikkeposen sin :) Er ho ikkje fin?!?

Sovedokka :)

Tenk at me skulle vera så heldige at det var ei sovedokka me fekk med oss heim :) Kanskje farlig å annonsere det skriftleg, tenk om Lillemor skulle finna på å ombestemma seg...

Ho sov som ein stein då me besøkte Linda og den heilt nye, kjempesøte kvalpen, Suzie.

Ho sov då me henta egg hos hønsene då familien Mosevoll var i Tyrkia og koste seg. Ikkje heilt sikker på namnet på denne høna, men ho var vertfall nysgjerrig på kva som låg inni denne vogna :)

 Ho sov medan me var på Lagunen og åt pizza. Då var me ute på første prøvetur med den nye fine vogna

Det vart denne kjempefine vogna som heiter Babyjogger City Mini.. Knallfin farge, og superlett å leggja saman. Den tar så mykje mindre plass i bilen at no kan me endeleg handla når me reiser på handling :) 

 Ellers søv ho på sofaen både her og der. I det siste har ho sove seg gjennom 4 småbarnstreff, og ein middag hjå Eva og Johannes på Eknes.

Og i tillegg er ho så søt når ho søv!! Ellers og for den del altså :D

Og det aller beste tilslutt: Ho søv om NATTA!!

Besøkstid!!

Det har vore så kjekt at så mange har kome på besøk for å sjå det vesle nurket vårt :)

Dei aller første som kom på besøk var Mormor, og tantene Eli og Åse. Dei var ein kjapp tur innom same dagen som Line vart fødd.

Dagen etterpå kom Bestå, tante Gunn og Ole-Martin først,   

 

 

 

 

 

 

 

Og så kom Tante Elin, Onkel Odd Halvor, Marit og Ingvild.

Då me kom heim kom Malene på besøk!!

Tante Eli og Viktoria har vore på besøk

Line såg ut til å lika Marius veldig godt, og han var på besøk ilag med Trude, Kari Anne, Jeanette, Kim Andre og Veronika som jobbar ilag med Frode

Frå mitt skift kom Tone med to små, Annette med ein liten, Hege med ein liten og Hilde Karin på besøk

 

 

 

 

Ellers har Tante Tone vore på besøk, og igår var Bodil og Rune på besøk.

Tusen takk for besøket alle saman, det var kjempe kjekt! Velkomen atende alle som ein!

Nye opplevingar for eit lite nurk

Tida flyg, og mykje skal opplevast for  første gong for vårt vesle vidunder. Line er framleis snill som ein draum, og tillet mor å sova godt om nettene og :D Det vert forøvrig sett stor pris på.

Det har gått over ein månad sidan eg bloga sist, og det er ikkje fordi det ikkje har skjedd noko, men rettogslett fordi eg heller bruker tida mi på å kosa med snuppemor enn å sitja på kontoret å blogga. Men no skal eg prøva å skjerpa meg!!

Ein av dei første tingene Line fekk vera med på i livet var ein tur på hytta ilag med Mormor, Bestefar og tante Åse då ho berre var 14 dagar gamal. Då måtte me sjølvsagt nytta oss av den blikkstille fjorden, så Line fekk vera med i båten og ut i ein holme for å grille pølser og makrell. Det såg ut til at ho likte å køyra båt, for ho sovna momentant idet båten la ifrå kai :) Det lover bra for Pappen sine draumar om ein båt me kan reisa på tur i.

Då Line var 1månad gamal var me på besøk hjå Beppa, og dei leika ilag på golvet. Det er ikkje alle som har ei så sprek oldemor!

 

Slik såg Line ut då ho var 1månad. Det er ikkje vanskeleg å sjå at ho et godt!

Ein av dei siste tinga Line har vore med på er OL-2011. Det var Osterfjordleikane nr 10 iår, så dette var eit viktig og flott jubileumsarrangement me fekk vera med på.

Denne gongen var det på heimebane på Dale, og Frode fekk æra av å tenne OL elden sidan det var han som var fjordårets vinnar, og dermed årets arrangør.

 

Årets OL-eld var særs vellukka, og brann akkurat så lenge som leikane varte. Det var nok iskaldt berekna frå produsenten si side.

Dei andre deltakarane i OL er på grensa til å verta leie av at det omtrent berre er Frode som har klatra til tops på pallen, så nokon av dei kom med slappe forsøk på å få han utvist for doping. Men anklagene vart droppa ettersom ein av IOC medlemmane hadde med seg både det eine og det andre narkotiske preparatet i bagen sin.

  

Så gale var det at ein tilogmed måtte testa urinprøven hans!

Ein av øvelsane under årets OL var sykkel-skyting, og her ser me Frode i fint driv inn mot standplass. I denne øvelsen kom han på 3.plass

 

     Årets øvingar

Sykkel-skyting

Pil og boge

Pilkast

Hesteskokasting

Frisbee-golf

Støvvelkasting

 

 

 

Og vinnaren vart, som det har vore dei fire siste gongane, FRODE!!! Det vart desverr ikkje bilete av seierherren saman med vandrepokal nr2 som no er hans til odel og eie, for det var blitt mørkt før dei barske atletane var ferdige med tevlinga.

Og alle var enige om at det var “The best games ever!”